Սոչիում ընթացող շախմատի աշխարհի գավաթի խաղարկությունում Հայաստանը ներկայացնող Հայկ Մարտիրոսյանը ոչ ոքի է ավարտել խորվաթ մրցակից Անտե Բրկիչի հետ երկրորդ պարտիան և դուրս եկել խաղարկության 5-րդ փուլ։
Մարտիրոսյանը խաղում էր սև խաղաքարերով։
Բրկիչի հետ առաջին պարտիայում Մարտիրոսյանը հաղթել էր։ Նա խաղում էր սպիտակ խաղաքարերով։
Հայ շախմատիստը Բրկիչի հետ երկու դասական պարտիան ավարտել է 1,5։0,5 հաշվով։
Աշխարհի գավաթի խաղարկության 1/8 եզրափակիչում Մարտիրոսյանը կպայքարի Մամին Տաբատաբաեի (Իրան) – Պենտալա Հարիկրիշնա (Հնդկաստան) զույգի հաղթողի հետ։
Հայկ Մարտիրոսյանը ժամանակին նվաճել է մինչև 16 տարեկանների շրջանում աշխարհի չեմպիոնի տիտղոսը։ Նրա վարկանիշը 2632 է, նա ՀՀ հավաքականի 7-րդ համարն է։