Թուրքիայի, Պակիստանի և Ադրբեջանի խորհրդարանների խոսնակներ Մուստաֆա Շենթոփը, Ասադ Կայսարն ու Սահիբա Գաֆարովան այցելել են Շուշի։ Նրանք ծանոթանալու են քաղաքում անցկացվող «վերականգնողական» աշխատանքներին, գրում է «Sputnik Ադրբեջանը»։
Շենթոփն ու Կայսարն Ադրբեջան են ժամանել մասնակցելու Ադրբեջանի, Թուրքիայի և Պակիստանի խորհրդարանների ղեկավարների առաջին եռակողմ հանդիպմանը, որի ավարտին ստորագրվել է այսպես կոչված Բաքվի հռչակագիրը։
Ավելի վաղ Թուրքիայի Մեծ ազգային ժողովի նախագահ Մուստաֆա Շենթոփը Գյանջայում, անդրադառնալով իրավիճակի սրմանը ՀՀ և Ադրբեջանի սահմանին, տարածաշրջանային պատերազմով էր սպառնացել Հայաստանին։ Նա ասել է, թե «Հայաստանի կողմից Ադրբեջանի սահմանամերձ շրջանների գնդակոծումը» կարող է հանգեցնել տարածաշրջանային պատերազմի: