29 հուլիսի 2021 - 18:01 AMT
Մահացել է գրող Արմեն Շեկոյանը

Կյանքի 68-րդ տարում մահացել է ժամանակակից գրող, բանաստեղծ, արձակագիր, լրագրող Արմեն Շեկոյանը:

Տեղեկությունը հաստատել է Գրողների միության նախագահ Էդուարդ Միլիտոնյանը, հայտնում է Sputnik Արմենիան։

Հատկապես սիրված են Շեկոյանի Մետաքսի ճանապարհ», «Երևան-հյուրանոց», «Անտիպոեզիա», «Թուղթ ու գիր», «Բախտ», «Ճոճք», «Ճամփորդ արևը», «Անձրև, անձրև, մի արի» և այլ գրքերը:

Արմեն Շեկոյանը 1976-1990 թվականներին աշխատել է «Ծիծեռնակ» ամսագրում, Գրական ինստիտուտում «Սովետական գրող» հրատարակչությունում, ՀՀ մշակույթի նախարարությունում: 1990-1992 թվականներին եղել է «Նաիրի» հրատարակչության գլխավոր խմբագիր, իսկ 1992-1997 թվականներին` Հովհ. Թումանյանի տուն-թանգարանի տնօրենը։