Արցախում տեղակայված ՌԴ խաղաղապահ զորակազմի հումանիտար ականազերծման ստորաբաժանման սակրավորները սկսել են պայթյունավտանգ առարկաներից մաքրել Մարտունու շրջանի Կոլխոզաշեն գյուղի 20 հա տարածքը։
2 ամսում սակրավորներն ականազերծել են ավելի քան 100 հա տարածք Մաճկալաշեն, Հերհան և Հերհեր բնակավայրերում, որոնք հարում են շփման գծին և օգտագործվում են գյուղատնտեսական աշխատանքների համար և ծառայում են որպես արոտոավայրեր։
Մաճկալաշենում արդեն մաքրվել է 15 հա տարածք, նախատեսված է մաքրել 20-ը։ Հայտնաբերվել են 120 միլիմետրանոց հրետանային արկեր և կասետային ռումբեր, որոնք դուրս են բերվել տեղանքից և ոչնչացվել։
Ռուս սակրավորներն Արցախում ստուգել են 1927 շինություն, մաքրել ավելի քան 674 կմ ճանապարհ, ավելի քան 2257 հեկտար տարածք, հայտնաբերել և ոչնչացրել են 25,798 պայթյունավտանգ առարկա: