Երևանի ավագանու նախկին անդամ Հայկ Հովհաննիսյանը դուրս է գալիս «Քաղաքացիական պայմանագիր» կուսակցությունից։ Այդ մասին նա տեղեկացրել է ֆեյսբուքյան իր էջում։

Նա նշել է, որ երկար տարիներ արտերկրում ապրելուց հետո որոշում էր կայացրել վերադառնալ հայրենիք ու իր գիտելիքն ու փորձը ծառայեցնել Հայաստանին և 2016թ․, երկրում դրական փոփոխության ակնկալիքով, անդամակցել է ՔՊ կուսակցությանը։

«Այս 5 տարիների ընթացքում անկեղծ եմ եղել իմ ցանկություններում՝ հայրենիքիս ու համաքաղաքացիներիս հանդեպ։ Հասցրել եմ նաեւ ձեռք բերել լավ ընկերներ թե կուսակցության ներսում, թե քաղաքական դաշտում եւ թե 2020թ. ռազմի դաշտում։ Հավատարիմ եմ եղել կուսակցության որդեգրած գաղափարներին։

Առանձնակի շնորհակալություն եմ ուզում հայտնել Երեւանի քաղաքապետ Հայկ Մարությանին՝ վստահության եւ համագործակցության համար։

Ուր էլ որ լինեմ, շարունակելու եմ ծառայեցնել գիտելիքներս բացառապես ի շահ Հայաստանի Հանրապետության եւ նրա քաղաքացու։

Այս պահից սկսած պատրաստ եմ լսելու թե աշխատանքի եւ թե համագործակցության առաջարկներ։

Հ.Գ. ՔՊ կուսակցության հարգելի նախագահ Սուրեն Պապիկյան։ Գրառումս կարող եք հիմք ընդունել, որպես կուսակցությունից դուրս գալու դիմում»,֊գրել է Հովհաննիսյանը»,-ասվում է գրառման մեջ։