Ադրբեջանական հատուկ ծառայությունները շարունակում են իրականացնել սոցիալական ցանցերում ԱՀ քաղաքացիների անձնական տվյալների հավաքագրման տարաբնույթ փորձեր, տեղեկացնում է Արցախի ազգային անվտանգության ծառայությունը։

«Կոչ ենք անում զերծ մնալ սոցիալական ցանցերում տարբեր օգնություններ առաջարկող կասկածելի օգտահաշիվներին և կազմակերպություններին անձնական տվյալներ տրամադրելուց:

Սոցիալական տարբեր ծրագրերի շահառու լինելու համար անձնական տվյալներ փոխանցեք միայն պետական կառույցներին»,-ասվում է հաղորդագրության մեջ։

ԱԱԾ-ն նաև հորդորում է կասկածելի հայտարարությունների հանդիպելու դեպքում անհապաղ դիմել ծառայությանը: