Ֆրանսիական «Նանտի» կիսապաշտպան Գոռ Մանվելյանը հերքել է արտասահմանյան լրատվականներում հայտնված հարցազրույցը, որում իբր ասել էր, որ ցանկանում է հանդես գալ Ֆրանսիայի հավաքականում։

«Ես հավաքականի ընտրության մասին կմտածեմայն ժամանակ, երբ դրա հնարավորությունը լինի։ Այժմ 100%-ով կենտրոնացած եմ ակումբային կարիերայիս վրա։ Ես նման բան չեմ ասել»,- այս մասին Մանվելյանն ասել է Armenian Football Group-ին։

2021 թվականի ապրիլին «Նանտը» պրոֆեսիոնալ պայմանագիր է կնքել 19-ամյա կիսապաշտպանի հետ։ Պայմանագիրը նախատեսված է մինչև 2024 թվական։ Գոռը «Նանտի» սան է և հանդես էր գալիս ակումբի երկրորդ թիմում։ Հայ ֆուտբոլիստը ծնունդով Արցախից է։