23 մայիսի 2022 - 19:10 AMT
ԵԱՀԿ Լեհաստանի նախագահությունը ողջունել է ՀՀ-Ադրբեջան հանդիպումը

ԵԱՀԿ Լեհաստանի նախագահությունը ողջունել է Եվրամիության միջնորդությամբ ՀՀ և Ադրբեջանի ղեկավարների հանդիպումը։ Այդ մասին ասվում է նախագահության Twitter-ի միկրոբլոգում։

«Ուղիղ երկխոսությունը հարաբերությունների կարգավորման և համապարփակ խաղաղ համաձայնագրի նախապատրաստման անհրաժեշտ պայման է։ Մենք պատրաստ ենք աջակցել Հարավային Կովկասի խաղաղ, ժողովրդավար և բարգավաճ ապագան ապահովելու ջանքերին»,- ասվում է գրառման մեջ։

Բրյուսելում տեղի է ունեցել Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը։ Քննարկման արդյունքում պայմանավորվածություններ են ձեռք բերվել տարածաշրջանային կոմունիկացիաների բացմանն ուղղված աշխատանքների հետագա ընթացքի, սահմանների սահմանագծման ու անվտանգության հարցերով հանձնաժողովի աշխատանքների մեկնարկի վերաբերյալ: