Գողացել են Երևանի Հովհաննես Թումանյանի անվան Տիկնիկային թատրոնի մուտքի մոտ տեղադրված զանգը։ Այդ մասին ֆեյսբուքյան իր էջում հայտնել է թատրոնի տնօրեն Ռուբեն Բաբայանը։
«Դիմել ենք ոստիկանություն»,-գրել է նա։
Գողացել են նաև Խնկո-Ապոր անվան գրադարանի դիմաց տեղադրված «Ընթերցողի արձան» քանդակի լատունե գիրքը, հայտնում է է Shamshyan.com-ը։
Նշվում է, որ հունիսի 20 -ին ոստիկանության կենտրոնական բաժին ահազանգ է ստացվել քաղաքացի Ժ. Ավետիսյանից, ով հայտնել է, որ հունիսի 16-ից հունիսի 20–ն ընկած ժամանակահատվածում անհայտ անձը կամ անձինք գողացել են Տերյան փողոցում գտնվող «Խնկո-Ապոր» գրադարանի դիմաց տեղադրված «Ընթերցողի արձան» քանդակի լատունե գիրքը։