ՖԻԴԵ-ն հրապարակել է շախմատիստների դասակարգման վարկանիշային հերթական աղյուսակը: Տղամարդկանց ցանկը գլխավորում է աշխարհի գործող չեմպիոն, նորվեգացի Մագնուս Կառլսենը:

Առաջին հարյուր շախմատիստների ցուցակում են նաև Հայաստանի ներկայացուցիչներ Գաբրիել Սարգսյանը ( 37-րդ), Հայկ Մարտիրոսյանը (73-րդ) և Շանթ Սարգսյանը (87-րդ):

ԱՄՆ դրոշի տակ հանդես եկող Լևոն Արոնյանը 5-րդն է։

Կանանց ցանկում ՀՀ-ն ներկայացնող Էլինա Դանիելյանը 30-րդն է, իսկ Աննա Սարգսյանը` 71-րդը։

Կանանց վարկանիշը գլխավորում է Չինաստանը ներկայացնող Հու Յիֆանը:

Պատանեկան թոփ-100-ում 2 հայ շախմատիստ կա՝ Արթուր Դավթյանը (37-րդ տեղ) և Մամիկոն Ղարիբյանը (60-րդ տեղ), աղջիկներից՝ Մարիամ Մկրտչյանը (31-րդ տեղ)։