Հայաստանի բասկետբոլի ազգային հավաքականը դարձել է Մալթայում ավարտված Եվրոպայի փոքր երկրների առաջնության չեմպիոն, հայտնում է Հայաստանի բասկետբոլի ֆեդերացիան։
Հայաստանի հավաքականը եզրափակչում 84:68 հաշվով առավելության է հասել Մալթայի նկատմամբ և դարձել առաջնության չեմպիոն:
Հանդիպման ամենաարդյունավետ խաղացող է ճանաչվել Քրիս Ջոնսը: Նա վաստակել է 41 միավոր, 10 անգամ տիրել օղակից անդրադարձող գնդակին և կատարել 6 արդյունավետ փոխանցում:
Առաջնությանը Հայաստանից բացի մասնակցում էին Անդորրան, Ադրբեջանը, Մալթան, Ջիբրալթարը, Սան Մարինոն։