ՌԴ և Ադրբեջանի ԱԳ նախարարներ Սերգեյ Լավրովն ու Ջեյհուն Բայրամովը հուլիսի 20-ին տեղի ունեցած հեռախոսազրույցում քննարկել են Ադրբեջանի և ՀՀ միջև հարաբերությունների կարգավորման գործընթացը։

Շեշտադրվել է համապատասխան աշխատանքի իրականացման անհրաժեշտությունը՝ խստիվ պահպանելով 2020-ի նոյեմբերի 9-ի, 2021-ի հունվարի 11-ի և նոյեմբերի 26-ի բարձր մակարդակի եռակողմ պայմանավորվածությունների դրույթները, տեղեկացնում է ՌԴ ԱԳՆ-ն։

Կարծիքների հանգամանալից փոխանակում է տեղի ունեցել մի շարք տարածաշրջանային և միջազգային հարցերի շուրջ։

Նախարարներն արձանագրել են երկկողմ համագործակցության զարգացումը փետրվարի 22-ին բարձր մակարդակով ստորագրված ՌԴ և Ադրբեջանի միջև Դաշնակցային փոխգործակցության մասին հռչակագրի համատեքստում։ ‌