Մինչեւ 85 կգ քաշային կարգը ներկայացնող հայ ծանրամարտիկներ Գեւորիկ Պողոսյանն ու Արամ Անդրիկյանը, Եվրոպայի առաջնությունում անհաջող են ելույթ ունեցել: Պողոսյանը զբաղեցրել է 9-րդ տեղը` երկամարտի արդյունքում բարձրացրել է 358 կգ (պոկում-164, հրում -194), իսկ Անդրիկյանը` 353 կգ (պոկում-160, հրում-193)` զբաղեցնելով մրցաշարային աղյուսակի 10-րդ հորիզոնականը:

Այդ քաշային կարգում Եվրոպայի չեմպիոն է դարձել ռուս ծանրամարտիկ Ալեքսեյ Յուֆկինը, որը երկու վարժությունների արդյունքում բարձրացրել է 369 կգ: Արծաթե մեդալի, արժանացել է ադրբեջանցի ծանրորդ Ինտիգամ Զաիրովը (368 կգ) իսկ բրոնզին արժանացել է Բելառուսի ներկայացուցիչ Միկոլայու Նովկովուն(367 կգ):

Բուխարեստում (Ռումինիա) ապրիլի 4-12-ն ընթացող Ծանրամարտի Եվրոպայի առաջնությունում Հայաստանի կողմից դեռ ելույթ պիտի ունենա եւս երեք ներկայացուցիչ` ծանրորդուհի Ռիփսիմե Խուրշուդյանը (ք/կ 85 կգ) եւ ծանրամարտիկներ Արթուր Բաբայանն (ք/կ 105 կգ) ու Ռուբեն Ալեքսանյանը (ք/կ +105 կգ):