ՌԴ նախագահ Վլադիմիր Պուտինը ցավակցություն է հայտնելՀՀ վարչապետ Նիկոլ Փաշինյանին Երևանի «Սուրմալու» առևտրի կենտրոնում տեղի ունեցած պայթյունի հետևանքով զոհերի կապակցությամբ, տեղեկացնում է Կրեմլի մամուլի ծառայությունը։
«Ընդունեք իմ խորին ցավակցությունը Երևանի առևտրի կենտրոնում տեղի ունեցած հրդեհի հետևանքով մարդկանց զոհվելու կապակցությամբ։
Խնդրում եմ զոհվածների ընտանիքներին փոխանցել անկեղծ կարեկցանքի և զորակցության խոսքերը, ինչպես նաև շուտափույթ ապաքինման մաղթանքները բոլոր տուժածներին»,-ասվում է Նիկոլ Փաշինյանին ուղղված ցավակցական ուղերձում։
Օգոստոսի 14-ին Երևանի Սուրմալու առևտրի կենտրոնում տեղի ունեցած հզոր պայթյունի հետևանքով զոհվածների թիվը օգոստոսի 15-ի 12։00-ի դրությամբ հասել է 6-ի, բուժկենտրոններ դիմած 61 անձից 21-ը շարունակում է ստացիոնար բուժումը։ 15 անձ դեռևս որոնվում է։