ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը, մեկնաբանելով ԱՄՆ Ներկայացուցիչների պալատի խոսնակ Նենսի Փելոսիի այցը ՀՀ, ասել է, որ Մոսկվան կողջունի ցանկացած քայլ, որն իրականում ուղղված կլինի ՀՀ և Ադրբեջանի միջև իրավիճակի կարգավորմանը, գրում է ՌԻԱ Նովոստին։
«Այն ամենը, ինչը ոչ թե խոսքով է, այլ գործով, և ոչ բարձրաձայն, և ոչ պոպուլիստական, այլ իրականում անաղմուկ ու գործնական, կարող է նպաստել հարաբերությունների կարգավորմանը, սահմանին իրավիճակի կայունացմանը, կարելի է ողջունել: Արդյո՞ք նման աղմկահարույց գործողություններն ու հայտարարություններն իրականում կարող են նպաստել այդ կարգավորմանը, կտեսնենք: Ժամանակի ընթացքում ամեն ինչ պարզ կդառնա»,-ասել է Պեսկովը, պատասխանելով հարցին, թե ինչպես են Կրեմլում գնահատում Փելոսիի այցը ՀՀ և կարող է այն արդյոք նպաստել Ադրբեջանի հետ հակամարտության կարգավորմանը։
ԱՄՆ Ներկայացուցիչների պալատի խոսնակ Նենսի Փելոսի ՀՀ կատարած երկօրյա ացի շրջանակում հանդիպումներ է ունեցել ՀՀ վարչապետ ՆԻկոլ Փաշինյանի, ԱԺ խոսնակ Ալեն Սիմոնյանի, ՊՆ ղեկավար Սուրեն Պապիկյանի, ընդդիմության ներկայացուցիչների հետ, այցելել է Ծիծեռնակաբերդ և ելույթ է ոեւնեցել «Գաֆեսճյան արվեստի կենտրոնում»։ Ասուլիսում, պատասխանելով ռազմական աջակցության մասին հարցին, նա ասել է, որ ԱՄՆ-ում մտահոգ են ՀՀ անվտանգության հարցերով և ցանկանում են հնարավորինս ավելի աջակից լինել այդ հարցում։
Փաշինյանի հետ հանդիպմանը նա ասել է․ «Աջակցությունը ժողովրդավարությանը Հայաստանում, Հայոց ցեղասպանության ճանաչման բանաձևը, հակազդեցությունը Թուրքիային Լեռնային Ղարաբաղի հարցում, և բոլոր մնացած առումներով մենք Հայաստանի ընկերն ենք։