Ադրբեջանը Հայաստանին է հանձնել ևս 6 հայ զինծառայողի մարմին: Այդ մասին հայտնել է ՊՆ մամուլի քարտուղար Արամ Թորոսյանը։

Ավելի վաղ ԿՄԽԿ հայաստանյան գրասենյակի հաղորդակցման ծրագրերի ղեկավար Զառա Ամատունին հաստատել էր, որ ԿՄԽԿ ներկայացուցիչները սեպտեմբերի 23-ին մասնակցել են մի գործողության, որի ընթացքում հայկական իշխանություններին ադրբեջանական իշխանությունները փոխանցել են զոհված զինծառայողների աճյուններ։

Այսպիսվ՝ Ադրբեջանն արդեն Հայաստանին է հանձնել 133 հայ զինծառայողի մարմին։

Սեպտեմբերի 13-ին՝ ժամը 00:05-ից Ադրբեջանի ԶՈւ ստորաբաժանումները Գորիսի, Կապանի, Ջերմուկի, Վարդենիսի, Սոթքի ուղղությամբ խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ, կիրառվել են նաև ԱԹՍ-ներ, հրետանի, ականանետեր՝ թիրախավորելով թե ռազմական, և թե քաղաքացիական ենթակառուցվածքները։ Սեպտեմբերի 14-ի երեկոյից հրադադար է հաստատվել, սակայն իրավիճակը շարունակում է մնալ ծայրահեղ լարված։

Սեպտեմբերի 19-ի դրությամբ հայկական կողմը 207 զոհ և անհետ կորած ունի, ինչպես նաև 20 գերի։ Այդ մասին հայտարարել է ՀՀ ԱԽ-ն։ ‌