Անվտանգության խորհրդի քարտուղար Արմեն Գրիգորյանը սեպտեմբերի 26-ից գտնվելու է Ամերիկայի Միացյալ Նահանգների մայրաքաղաք Վաշինգտոնում, տեղեկացնում է ԱԽ-ն։
Այցի շրջանակում ԱԽ քարտուղարն ունենալու է մի շարք աշխատանքային հանդիպումներ:
ՀՀ արտաքին գործերի նախարար Արարատ Միրզոյանը սեպտեմբերի 19-ից Նյու Յորքում մասնակցել է ՄԱԿ-ի Գլխավոր ասամբլեայի 77-րդ նստաշրջանի բարձրաստիճան հատվածին և մի շարք հանդիպումներ է ունեցել տարբեր երկրների պաշտոնակիցների հետ։
Սեպտեմբերի 22-24-ը ՄԱԿ-ի վեհաժողովի Ասամբլեայի 77-րդ նստաշրջանի բարձրաստիճան հատվածին մասնակցել և ելույթ է ունեցել ՀՀ վարչապետ Նիկոլ Փաշինյանը։ Նա նաև մի շարք հանդիպումներ է ունեցել տարբեր պետությունների և միջազգային կազմակերպությունների գործընկերների հետ: