Փաշինյանը Ֆրանսիա է մեկնել
Վարչապետ Նիկոլ Փաշինյանն աշխատանքային այցով մեկնել է Ֆրանսիայի Հանրապետություն, հայտնում է վարչապետի մամուլի ծառայությունը։
Սեպտեմբերի 26-ի երեկոյան Ելիսեյան պալատում տեղի կունենա ՀՀ վարչապետի և Ֆրանսիայի նախագահ Էմանուել Մակրոնի հանդիպումը:
Փաշինյանը վերջին անգամ Ֆրանսիայում էր 2022-ի մարտին, հանդիպել է Մակրոնի հետ։
Հանդիպմանը զրուցակիցները քննարկել էին նաև Լեռնային Ղարաբաղի շուրջ իրավիճակը: Վարչապետն անթույլատրելի է համարել իրավիճակը լարելու յուրաքանչյուր փորձ և նշել, որ ինչպես Արցախում, այնպես էլ հայ-ադրբեջանական սահմանին Ադրբեջանը շարունակում է սադրիչ գործողությունները:
