Հայաստանը հրթիռներ, ռեակտիվ արկեր և զինամթերք կգնի Հնդկաստանից, զենքի արտահանման խոշոր պայմանագիր է կնքվել, գրում է հնդկական The Economic Times-ը։
Նշվում է, որ Հնդկաստանը Հայաստան կարտահանի նաև Pinaka համազարկային ռեակտիվ համակարգեր, հակատանկային հրթիռներ։
Պարբերականը նշում է, որ երկու երկրի միջև համաձայնագիրը կնքվել է սեպտեմբերի սկզբին։
Նշվում է, որ սա առաջին դեպքը չէ, երբ Հնդկաստանը սպառազինություն է արտահանում Հայաստան, և որ 2020-ին Հնդկաստանը Swathi 4 ռադար է արտահանել ՀՀ։
Նշվում է` թեև մատակարարումների արժեքը չի հրապարակվում, ենթադրվում է, որ առաջիկա ամիսներին ՀՀ կարտահանվի մոտ 240 մլն դոլարի զենք և զինամթերք։