ԱԳՆ խոսնակ․ ՀՀ, Թուրքիայի և Ադրբեջանի ԱԳ նախարարները Լեհաստանում քաղաքավարական կարճ զրույց են ունեցել
ԱԳՆ մամուլի խոսնակ Վահան Հունանյանը, անդրադառնալով ադրբեջանական ԶԼՄ-ների հրապարակումներին ՀՀ, Թուրքիայի և Ադրբեջանի ԱԳ նախարարների եռակողմ հանդիպման մասին, տեղեկացրել է, որ վերջիններս քաղաքավարական կարճ զրույց են ունեցել։
«ՀՀ ԱԳ նախարար Միրզոյանի՝ Թուրքիայի և Ադրբեջանի ԱԳ նախարարների հետ «եռակողմ հանդիպումը» նույնքան կարելի է համարել քառակողմ, ինչ որ պահի հնգակողմ, այնուհետև այլ ձևաչափով եռակողմ և այսպես շարունակ։
Նկարում՝ նախքան ԵԱՀԿ նախարարական գագաթնաժողովի բացման արարողությունը Հայաստանի ԱԳ նախարարը, Ավստրիայի ԱԳ նախարարը, ԵՄ բարձր հանձնակատարը, Թուրքիայի ԱԳ նախարարը, Ադրբեջանի ԱԳ նախարարը քաղաքավարական կարճ զրույց են ունենում։
Ադրբեջանական լրատվամիջոցների հրապարակումները եռակողմ հանդիպման մասին չափազանցված են»,-ասվում է գրառման մեջ։
