Ադրբեջանի ԱԳ նախարար Ջեյհուն Բայրամովը ԵԱՀԿ-ում ԱԳ նախարարների խորհրդի նիստում հայտարարել է, թե Ադրբեջանը տարիներ շարունակ ԵԱՀԿ-ում «կոնսենսուսի չարաշահման» զոհ է եղել, որի օրինակներից մեկն էլ հոկտեմբերի վերջին ընդունված որոշումն է ԵԱՀԿ դիտորդական առաքելություն Հայաստան գործուղելու վերաբերյալ, գրում է ՏԱՍՍ-ը։
«ԵԱՀԿ կարևորագույն որոշումների մեծ մասն ընդունվել է պարզ արտահայտված կոնսենսուսի շնորհիվ։ Ադրբեջանը տարիներ շարունակ ԵԱՀԿ-ում կոնսենսուսի չարաշահման զոհ է դարձել»,- ասել է նա՝ հավելելով, որ միշտ հանդես են եկել հավաքական անվտանգության տառն ու ոգին պահպանելու օգտին։
«Պահանջների գնահատման առաքելություն Հայաստան գործուղելու մասին որոշումը, որն ընդունվել է առանց կոնսենսուսի, մանդատի բացահայտ խախտում էր, որը կազմակերպության անդամ բոլոր երկրների հավաքական հավանությունն է ստացել»,-ասել է Բայրամովը։
ԵԱՀԿ-ն «պահանջների գնահատման» առաքելություն գործուղելու մասին հայտարարել է հոկտեմբերի 19-ին։ Առաքելության նպատակն է՝ գնահատել իրավիճակը որոշ սահմանամերձ շրջաններում, ըստ ԵԱՀԿ մանդատի և փորձի, և կազմակերպության հավաքական անվտանգության հայեցակարգի շրջանակում։ «Տեխնիկական խումբը, բաղկացած միջազգային փորձագետներից և ԵԱՀԿ Քարտուղարության ներկայացուցիչներից, կայցելի հայ-ադրբեջանական սահմանագոտու շրջաններ»,-ասվում է ր ԵԱՀԿ հաղորդագրության մեջ։