«Քաղաքացիական պայմանագիր» խմբակցությունն ԱԺ արտաքին հարաբերությունների մշտական հանձնաժողովի նախագահի պաշտոնում պաշտոնապես առաջադրել է Սարգիս Խանդանյանի թեկնածությունը: Վերջինս այս պաշտոնում փոխարինելու է Էդուարդ Աղաջանյանին:
Այդ մասին հայտնել են ԱԺ-ից, տեղեկացնում է ArmLur.am-ը։
Սարգիս Խանդանյանի թեկնածության հարցը կքննարկվի հաջորդ շաբաթ մեկնարկելիք ԱԺ քառօրյա նիստերի ժամանակ:
Նրա թեկնածությունը ներկայացնելու է ՔՊ խմբակցության քարտուղար Արթուր Հովհաննիսյանը:
ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանի լիազորությունները դադարեցվել են։ ԱԺ նախագահը ստորագրել է արձանագրությունը։ Նա հրաժարականի դիմում էր ներկայացրել: