Վարչապետ Նիկոլ Փաշինյանը, բացելով կառավարության նիստը, հայտարարել է, որ Ադրբեջանի պետական ու մերձպետական քարոզչությունը տևական ժամանակ ԼՂ-ի նկատմամբ լայնածավալ հարձակման լրատվական ֆոն է ստեղծում, և որ լարվածության միտումները տեսանելի են նաև գետնի վրա։
«Մեր գնահատականը մնում է նույնը՝ Ադրբեջանի ռազմաքաղաքական ղեկավարությունը ԼՂ ժողովրդի նկատմամբ էթնիկ զտումների, ցեղասպանության նախապատրաստություններ է տեսնում», - ասել է նա։
Փաշինյանը նաև հայտարարել է, որ անհետաձգելի է համարում, որ Հայաստանը միջոցներ ձեռնարկի ցեղասպանությունների կանխարգելման միջազգային մեխանիզմների գործարկման ուղղությամբ։ Նա հավելել է, որ համապատասխան հանձնարարականներ է տվել ԱԳՆ-ին։
«Խոսքը ՄԱԿ-ի շրջանակներում նախատեսված մեխանիզմների մասին է, այս մասին ԱԳՆ-ին տվել եմ համապատասխան հանձնարարականներ», - ասել է նա։
Վարչապետը հավելել է, որ շարունակվում են աշխատանքները Լաչինի միջանցք ու Լեռնային Ղարաբաղ միջազգային փաստահավաք առաքելություն գործուղելու ուղղությամբ։