ՌԴ և Ադրբեջանի նախագահներ Վլադիմիր Պուտինը և Իլհամ Ալիևը մարտի 16-ին տեղի ունեցած հեռախոսազրույցում քննարկել են Հարավային Կովկասում անվտանգության և կայունության ապահովմանն ուղղված գործնական միջոցները՝ Ռուսաստանի, Հայաստանի և Ադրբեջանի ղեկավարների հայտնի եռակողմ պայմանավորվածությունների շրջանակում, հայտնում է Կրեմլի մամուլի ծառայությունը։
Կարծիքներ են փոխանակվել տարածաշրջանում տրանսպորտային, լոգիստիկ և տնտեսական կապերի զարգացման շուրջ։
Ավելի վաղ վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հետ հեռախոսազրույցում Լեռնային Ղարաբաղում ճգնաժամի հաղթահարման համատեքստում կարևորել էր ռուսական կողմից հասցեական արձագանքը: Քննարկվել էր Ադրբեջանի կողմից Լաչինի միջանցքի ապօրինի շրջափակման հետևանքով Լեռնային Ղարաբաղում շարունակվող հումանիտար ճգնաժամը: