ՀՀ պաշտպանության նախարարությունը հերքել է տարածվող լուրերը, թե Ջերմուկում կրակոցներ են հնչում։
«Ջերմուկում կրակոցների մասին շրջանառվող տեղեկությունը չի համապատասխանում իրականությանը»,– ասել է ՊՆ մամուլի խոսնակ Արամ Թորոսյանը, հայտնում է Sputnik Արմենիան։
ՊՆ-ն նաև հերքել է Ադրբեջանի հերթական ապատեղեկատվությունը։
«Ադրբեջանի պետական սահմանապահ ծառայության տարածած հաղորդագրությունն այն մասին, թե իբր մարտի 20-ին, ժամը 02:50-ին ՀՀ ԶՈւ ստորաբաժանումները կրակ են բացել հայ-ադրբեջանական սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը»,-ասվում է ՊՆ հաղորդագրության մեջ։
Մարտի 20-ի երեկոյան որոշ լրատվամիջոցներ և Տելեգրամյան ալիքներ գրել էին, թե իբր Ջերմուկի շրջանում կրակոցներ են լսվում, մարտեր են ընթանում։