ՀԱՊԿ-ը մշտապես պատրաստ է առաքելություն ուղարկել հայ-ադրբեջանական սահման՝ Հայաստանի անվտանգությունն ապահովելու շահերից ելնելով։ Այդ մասին հայտարարել է ՀԱՊԿ քարտուղարության ներկայացուցիչ Յուրի Շուվալովը։
«Ինչ վերաբերում է Հավաքական անվտանգության կովկասյան տարածաշրջանին, ապա կազմակերպությունը հայ-ադրբեջանական սահման ՀԱՊԿ առաքելություն գործուղելու և աջակցության այլ միջոցներ ցուցաբերելու մշտական պատրաստականություն ունի»,-ասել է նա լրագրողներին կազմակերպության շտաբում ղեկավար կազմի ընդլայնված խորհրդակցությունից հետո, գրում է ՏԱՍՍ-ը։
Ըստ Շուվալովի, օգնության միջոցներն արդեն իսկ շարադրված են մշակման փուլում գտնվող ՀԱՊԿ Հավաքական անվտանգության խորհրդի որոշման նախագծում։
ՀԱՊԿ գլխավոր քարտուղար Իմանգալի Տասմագամբետովը հայտարարել է, որ իրավիճակը ՀՀ-Ադրբեջան սահմանին կարող է լրջորեն ապակայունանալ։ Այդ մասին նա ասել է ՀԱՊԿ քարտուղարությունում՝ ամփոփելով կազմակերպության շտաբում ընդլայնված խորհրդակցության արդյունքները։ Տասմագամբետովը նշել է, որ լարվածությունը ՀՀ և Ադրբեջանի միջև պահպանվում է որպես «բազմամյա հակասությունների հետևանք»։
