ՌԴ խաղաղապահները հրադադարի խախտման 4 դեպք են գրանցել Ասկերանում
Արցախում տեղակայված ռուս խաղաղապահ զորակազմի զինծառայողները հրադադարի խախտման 4 դեպք են գրանցել Ասկերանի շրջանում:
Տուժածներ չկան, ասվում է ՌԴ ՊՆ խաղաղապահ զորակազմի տեղեկագրում։
Նշվում է, որ ռուս խաղաղապահ զորակազմի հրամանատարությունը քննություն է իրականացնում ադրբեջանական և հայկական կողմերի հետ համատեղ։
Պարեկություն է իրականացվել երեք երթուղով՝ Մարտակերտի, Մարտունու և Շուշիի շրջաններում։
Ռուս խաղաղապահ զորակազմի ավտոշարասյունը հումանիտար բեռ է տեղափոխել Գորիս-Ստեփանակերտ երթուղով։
