Բաքվում կրկին խոսում են անկլավների մասին և կոչ անում ՀՀ–ին «ճիշտ գնահատել իրողությունները»։ Ադրբեջանի ԱԳՆ–ն հայտարարել է, թե Հայաստանը «դեռևս չի վերադարձրել օկուպացիայի տակ գտնվող 8 ադրբեջանական գյուղը»։
Ըստ ադրբեջանական գերատեսչության, Հայաստանը պետք է «կառուցողական դիրքորոշում որդեգրի հայ–ադրբեջանական հարաբերությունների կարգավորման հարցում, ճիշտ գնահատի տարածաշրջանում ստեղծված իրողությունները», գրում է Haqqin.az-ը։
Ըստ Բաքվի, Ադրբեջանը կատարել է իր պարտավորությունները, «միջոցներ է ձեռնարկել Ղարաբաղի հայերի վերաինտեգրման համար»։
Նոյեմբերի 8–ին ադրբեջանցիները զորահանդես են անցկացնելու Ստեփանակերտում։ Նշվում է, որ «հանդիսավոր քայլերթով կանցնեն տարբեր զորատեսակների ներկայացուցիչները»։ Ադրբեջանի պետական հեռուստատեսությունը լուսանկարներ և տեսանյութեր է ցուցադրել նախապատրաստական աշխատանքներից:
