Այսօր Հայաստանի Կենտրոնական ընտրական հանձնաժողովում կայացել է արտահերթ նիստ Երեւանի քաղաքապետի ու Ավագանու խորհրդի ընտրություններին մասնակցող կուսակցությունների համար Հանրայի հեռուստատեսությամբ եւ Հանրային ռադիոյով եթերային ժամանակի օգտագործման ժամն ու կարգը որոշելու համար:

ՀՀ ընտրական օրենսգրքի հոդված 20, կետ 2-ի եւ հոդված 138.15 կետեր 2, 3, 4,5-ի հիման վրա կայացել է վիճակահանություն, որի արդյունքներով որոշվել է եթերային ժամանակի բաժանումը կուսակցությունների միջեւ: Վիճակահանության «կամքով» եթերային մրցարշավն առաջինը կսկսի եւ վերջինը կավարտի Հայաստանի Հանրապետական կուսակցությունը:

Կուսակցությունների միջեւ պայքարը եթերում կշարունակվի մայիսի 4-29-ը: