Ինչպես հաղորդագրության մեջ նշում է «ԱրմենՏել»-ի հասարակայնության հետ կապերի ծառայության ղեկավար Անուշ Բեգլոյանը , ընկերության բաժանորդներն այժմ կարող են վճարում կատարել իրենց համար հարմար ցանկացած վայրում եւ ցանկացած ժամանակ: Վճարում կատարել կարելի է MasterCard բանկային քարտի կամ Tandem եւ ArCa վճարային համակարգերի վիրտուալ քարտերով: Դրա համար բավական է նշել բջջային հեռախոսի համարը 9 նիշանոց ձեւաչափով, առանց բացատների եւ այլ նիշերի, հաշվեկշռի լիցքավորման գումարը ՀՀ դրամով եւ բանկային քարտի տվյալները:Վճարումը կատարվում է իրական ժամանակում, հաշված վայրկյանների ընթացքում:

Սպասարկման վարձ բաժանորդից չի գանձվում: Վճարման նվազագույն գումարը կազմում է 100 դրամ: Նշենք, որ վճարումը կարելի է կատարել միայն ոչ արգելափակված համարներին, - ճշգրտվում է հաղորդագրության մեջ: