Հայաստանում գտնվող ՌԴ փոխվարչապետ Ալեքսեյ Օվերչուկը լրագրողներ հետ զրույցում վստահեցնում է, որ Հայաստանի ու Ռուսաստանի միջև խնդիրները լրատվամիջոցներն են ուռճացնում:
«Պետք է կարողանալ տարբերել իրականությունը լրատվամիջոցների ներկայացրածից, քանի որ տեղեկատվական օրակարգը հաճախ չի արտացոլում իրականությունը»,- ասել է նա, հայտնում է Aysor.am-ը։
Նա նշել է` Հայաստանի ու Ռուսաստանի միջև ապրանքաշրջանառությունն ավելանում է և, որ Հայաստանը շատ ակտիվ դերակատարում ունի ԵԱՏՄ-ում:
Վարչապետ Նիկոլ Փաշինյանն ընդունել է ՌԴ փոխվարչապետ Ալեքսեյ Օվերչուկին: Քննարկվել են Հայաստանի Հանրապետության և Ռուսաստանի Դաշնության միջև երկկողմ հարաբերությունների օրակարգին վերաբերող հարցեր: Զրուցակիցներն անդրադարձել են նաև Եվրասիական տնտեսական միության շրջանակում փոխգործակցությանն առնչվող թեմաների:
