ԼՂՀ թիմը ԱՊՀ երկրների լրագրողների միջեւ ֆուտբոլային մրցաշարի հաղթողն է
Ավարտվել է ԱՊՀ երկրների լրագրողների միջեւ 10-րդ հոբելյանական ֆուտբոլային մրցաշարը, որն առաջին անգամ անց է կացվել Լեռնային Ղարաբաղի Հանրապետության մայրաքաղաք Ստեփանակերտում:
Մրցաշարն անցել է ԼՂՀ նախագահ Բակո Սահակյանի հովանու ներքո, կազմակերպիչներից է Հայաստանի արտերկրի թղթակիցների ասոցիացիան եւ ԼՂՀ պետական սպորտկոմիտեն:
Խաղերի արդյունքում հաղթող դարձավ ԼՂՀ լրագրողների թիմը, որն առաջին անգամ էր մասնակցում մրցաշարին: Երկրորդ տեղում է մոսկովյան «ՆՏՎ+» հեռուստաընկերության թիմը, երրորդում` եւս նորեկներ են` լիտվացի լրագրողները:
Հայաստանի լրագրողների հավաքականն ի տարբերություն նախորդ տարիների մրցաշարերի, այս անգամ այնքան էլ հաջող հանդես չեկավ եւ, ոչ առանց մրցավարների օգնության, պարտվեց մեկ խաղում, զիջելով «ՆՏՎ+» հեռուստաընկերության թիմին եւ զբաղեցրեց 5-րդ տեղը` առաջ անցնելով միայն Վոլգոգրադի ու Բրյանսկի միավորված թիմից: Ջավախքի լրագրողներն, իրենց հերթին, զիջեցին լիտվացիներին երրորդ տեղի համար պայքարում:
Ֆուտբոլային մրցաշարի հաղթողները պարգեւատրվել են գավաթներով եւ հուշանվերներով: Հատուկ մրցանակներ էին սահմանվել առավել աչքի ընկած խաղացողների համար, այդ թվում լավագույն դարպասապահի, գոլերի հեղինակի, խաղացողի, պաշտպանի, հարձակվողի:
Ֆուտբոլային մրցաշարերը ԱՊՀ երկրների շրաջնում արդեն 10-ամյա պատմություն ունեն: Առաջին անգամ լրագրողները հավաքվեցին 1999թ. Սանքտ Պետերբուրգում, քաղաքի ղեկավար Վ.Յակովլեվի հովանավորությամբ: Այնուհետեւ նմանատիպ մրցումներ են անցել Բաքվում, Քիշնեւում, Երեւանում, Սոչիում, Մոսկվայում, Օդեսայում, Բրյանսկում եւ Վոլգոգրադում:
Հայաստանի ԶԼՄ-ների ներկայացուցիչներն այս մրցաշարում չեմպիոն են դարձել 2002թ. Երեւանում, եւ երեք անգամ` բրոնզե մրցանակակիր:
Մրցաշարն անցել է ԼՂՀ նախագահ Բակո Սահակյանի հովանու ներքո, կազմակերպիչներից է Հայաստանի արտերկրի թղթակիցների ասոցիացիան եւ ԼՂՀ պետական սպորտկոմիտեն:
Խաղերի արդյունքում հաղթող դարձավ ԼՂՀ լրագրողների թիմը, որն առաջին անգամ էր մասնակցում մրցաշարին: Երկրորդ տեղում է մոսկովյան «ՆՏՎ+» հեռուստաընկերության թիմը, երրորդում` եւս նորեկներ են` լիտվացի լրագրողները:
Հայաստանի լրագրողների հավաքականն ի տարբերություն նախորդ տարիների մրցաշարերի, այս անգամ այնքան էլ հաջող հանդես չեկավ եւ, ոչ առանց մրցավարների օգնության, պարտվեց մեկ խաղում, զիջելով «ՆՏՎ+» հեռուստաընկերության թիմին եւ զբաղեցրեց 5-րդ տեղը` առաջ անցնելով միայն Վոլգոգրադի ու Բրյանսկի միավորված թիմից: Ջավախքի լրագրողներն, իրենց հերթին, զիջեցին լիտվացիներին երրորդ տեղի համար պայքարում:
Ֆուտբոլային մրցաշարի հաղթողները պարգեւատրվել են գավաթներով եւ հուշանվերներով: Հատուկ մրցանակներ էին սահմանվել առավել աչքի ընկած խաղացողների համար, այդ թվում լավագույն դարպասապահի, գոլերի հեղինակի, խաղացողի, պաշտպանի, հարձակվողի:
Ֆուտբոլային մրցաշարերը ԱՊՀ երկրների շրաջնում արդեն 10-ամյա պատմություն ունեն: Առաջին անգամ լրագրողները հավաքվեցին 1999թ. Սանքտ Պետերբուրգում, քաղաքի ղեկավար Վ.Յակովլեվի հովանավորությամբ: Այնուհետեւ նմանատիպ մրցումներ են անցել Բաքվում, Քիշնեւում, Երեւանում, Սոչիում, Մոսկվայում, Օդեսայում, Բրյանսկում եւ Վոլգոգրադում:
Հայաստանի ԶԼՄ-ների ներկայացուցիչներն այս մրցաշարում չեմպիոն են դարձել 2002թ. Երեւանում, եւ երեք անգամ` բրոնզե մրցանակակիր:
