9 հազար տոննայից ոչ ավելի ծավալով մսամթերքի արտադրության համար նախատեսված խոշոր եղջերավոր անասունների միսն ազատվում է ներմուծման մաքսատուրքից։ Գործադիրը նման որոշում է կայացրել։

Համաձայն որոշման՝ սակագնային քվոտայի շրջանակներում՝ Հայաստան ներմուծվող 9․5 հազար տոննա խոշոր եղջերավոր անասունների մսից 9 հազար տոննայից ոչ ավելի ծավալով, մսամթերքի արտադրության համար նախատեսված միսն ազատվում է ներմուծման մաքսատուրքից, հայտնում է Factor.am-ը։

Ըստ կառավարության հիմնավորման՝ Եվրասիական տնտեսական հանձնաժողովն առանձին տեսակի գյուղատնտեսական ապրանքների նկատմամբ սակագնային քվոտա կիրառելու որոշում է կայացրել: Համաձայն որոշման՝ 2025 թվականի համար Հայաստանին հատկացվել է 9․5 հազար տոննա ծավալով խոշոր եղջերավոր անասունների մսի հանդեպ սակագնային քվոտա։