«Բջջային ՀեռաՀամակարգեր» (ՄՏՍ) ԲԲԸ-ն, որը ՌԴ բջջային կապի խոշորագույն օպերատորն է, յոթով նվազեցրել է տարածաշրջանային բաժանմունքների քանակը, ասվում է ընկերության հաղորդագրության մեջ:

Մասնավորապես, փակվել են Սանքտ Պետերբուրգի, Պրիմորսկի ու Կրասնոդարի մարզերի, Նովոսիբիրսկի ու Սվերդլովսկի մարզերում, ինչպես նաեւ Նիժնի Նովգորոդում ու Սամարայում գտնվող մասնաճյուղերը:

Ինչպես ասվում է հաղորդագրության մեջ, բաժանմունքները փակվել են կառավարման կառուցվածքի պարզեցման ու միմյանց կրկնող վարչական գործառնությունների նվազեցման նպատակով:

Ընկերությունում գործում է կառավարման մակրոտարածաշրջանային կառուցվածքը, եւ այն քաղաքներում, որտեղ գտնվում է այս կամ այն մակրոտարածաշրջանի կենտրոնակայանը, քաղաքային բաժանմունքները փակվում են, սակայն անձնակազմի քանակի վրա դա չի անդրադարձել:

ՄՏՍ-ը խոշորագույն ՌԴ բջջային կապի խոշորագույն օպերատորն է (ապրիլի արդյունքներով շուրջ 97,4 մլն օգտվողների, հաշվի առնելով «դուստրերին» Ուկրաինայում, Ուզբեկստանում, Թուրքմենստանում, Հայաստանում եւ Բելառուսում):
ՄՏՍ-ի հիմնական բաժնետերը «Սիստեմա» ԱՖԿ-ն է , որը 52,8 տոկոս բաժնետոմսերի սեփականատերն է, ազատ շրջանառության մեջ է բաժնետոմսերի 46,7 տոկոսը: Ընկերության եկամուտը 2008թ. US GAAP կազմել է 1,93 մլրդ դոլար, շահույթը` 10,245 մլրդ դոլար: