Աշխատանքային այցով Իտալիայում գտնվող ՀՀ ԱԺ նախագահ Ալեն Սիմոնյանը հանդիպել է ԵԽԽՎ-ում Հայաստանի հարցերով համազեկուցող, մոնիթորինգի հանձնաժողովի անդամ Պիերո Ֆասսինոյի հետ։ Վերջինս Սիմոնյանին ներկայացրել է իր՝ Հայաստան կատարելիք առաջիկա այցի մանրամասները, հայտնում է ԱԺ մամուլի ծառայությունը։
Հանդիպման ընթացքում կողմերն անդրադարձ են կատարել նաև տարածաշրջանում տեղի ունեցող զարգացումներին, ինչպես նաև Հայաստանում ընթացող ժողովրդավարական բարեփոխումների օրակարգին։
Իտալիայի Պատգամավորների պալատում Սիմոնյանը հանդիպել է նաև Իտալիա-Հայաստան բարեկամական խմբի անդամների հետ:
Բարձր գնահատելով երկու խորհրդարաններում գործող բարեկամության խմբերի դերը երկկողմ բարեկամական հարաբերությունների զարգացման գործում՝ Ալեն Սիմոնյանը հույս է հայտնել, որ թիրախային աշխատանքի արդյունքում հայ-իտալական հարաբերությունները կհասնեն զարգացման նոր մակարդակի:
Քննարկումների առանցքում են եղել նաեւ տարածաշրջանային զարգացումներին, Ադրբեջանում պահվող հայ գերիների հայրենադարձությանը վերաբերող եւ երկկողմ հետաքրքրություն ներկայացնող այլ հարցեր:
Իտալիայի Սենատը միաձայն՝ 112 կողմ ձայնով, բանաձև է ընդունել «Հայաստանի և Ադրբեջանի միջև խաղաղ գործընթացին աջակցելուն ուղղված նախաձեռնությունների մասին»:
