Թրամփը հերքում է Մոսկվա այցի մասին ենթադրությունները, մինչդեռ Կրեմլը հաստատում է, որ նման պլաններ չկան։

ԱՄՆ նախագահ Դոնալդ Թրամփը հերքել է լուրերը, որոնց համաձայն նա նախատեսում է մասնակցել մայիսի 9-ին Մոսկվայում կայանալիք Հաղթանակի օրվա շքերթին։

Կրեմլը նույնպես հաստատել է, որ Թրամփի այցի վերաբերյալ ոչ մի պայմանավորվածություն չկա

Մամուլի ասուլիսի ժամանակ Թրամփը արձագանքել է այս խոսակցություններին՝ հայտարարելով. «Ոչ, ոչ, ես ոչ»։

Նա ընդգծել է, որ չի նախատեսում մոտ ապագայում մեկնել Ռուսաստան և այս լուրերը որակել է որպես անհիմն, գրում է Republic-ը։

Մոսկվա հնարավոր այցի մասին ենթադրությունները սկսեցին շրջանառվել այն բանից հետո, երբ մի շարք լրատվամիջոցներ հաղորդեցին, որ Թրամփը կարող է մասնակցել Հաղթանակի օրվա միջոցառումներին և հանդիպել Ռուսաստանի նախագահ Վլադիմիր Պուտինի հետ։ Որոշ աղբյուրներ պնդում էին, որ նման այցը կարող է դիվանագիտական նշանակալի քայլ դառնալ ԱՄՆ-Ռուսաստան հարաբերությունների ներկա լարված ֆոնի վրա։

Փետրվարի 12-ին կայացած հեռախոսազրույցի ընթացքում Թրամփը և Պուտինը համաձայնել են փոխադարձ այցերի հնարավորության հարցում։ Կրեմլի խոսնակ Դմիտրի Պեսկովը հայտնել է, որ Պուտինը հրավիրել է Թրամփին Մոսկվա, և նրանք կարող են հանդիպել մինչև փետրվարի վերջ։

Թրամփը կոչ է արել Ռուսաստանի նախագահ Վլադիմիր Պուտինին և Ուկրաինայի նախագահ Վլադիմիր Զելենսկիին բանակցել Ռուսաստանի և Ուկրաինայի միջև պատերազմի դադարեցման շուրջ՝ ընդգծելով, որ «պետք է միասին նստել և դադարեցնել պատերազմը՝ միլիոնավոր մարդկանց սպանությունը վերջ տալու համար»։

Ռուսաստանում մայիսի 9-ը նշվում է որպես Հաղթանակի օր՝ ի հիշատակ 1945 թվականին ֆաշիստական Գերմանիայի նկատմամբ տարած հաղթանակի։ ԽՍՀՄ–ը վճռորոշ դեր է խաղացել ֆաշիզմի դեմ հաղթանակում, կորցրել է ավելի քան 27 միլիոն մարդ՝ բոլոր երկրների շարքում ամենամեծ կորուստը, ինչի համար այս պատերազմը Ռուսաստանում կոչում են «Մեծ Հայրենական պատերազմ»։