Ադրբեջանի արտաքին գործերի փոխնախարար Էլնուր Մամեդովը փետրվարի 24-ին Ժնևում Մարդու իրավունքների խորհրդի 56-րդ նստաշրջանի բարձր մակարդակի նիստում արձագանքել է Հայաստանի ԱԳ նախարար Արարատ Միրզոյանի հնչեցրած մեղադրանքներին, որը կեղծ է անվանել Բաքվում հայ գերիների դատավարությունները և մտահագություն հայտնել նրանց առողջկան վիճակի վերաբերյալ։

Մամեդովն ասել է, թե հետկոնֆլիկտային իրավիճակը պահանջում է «պատասխանատուներին արդարադատության առջև կանգնեցնելու անհրաժեշտություն» և, որ կասկածյալներին «պատասխանատվության ենթարկելը ոչ միյան Բաքվի իրավունքն է, այլև պարտականությունը»։

Նա կրկին խոսել է Ադրբեջանի և ՀՀ միջև կարգավորման, ըստ ադրբեջանական կողմի, «գլխավոր խոչընդոտի»՝ ՀՀ Սահմանդրության և այն փոխելու անհրաժեշտության մասին, գրում է APA-ն։

«Ներկայումս մենք սպասում ենք, որ Հայաստանը կվերացնի կարգավորման հիմնական խոչընդոտը՝ իրավական մակարդակում հրաժարվելով Ադրբեջանի նկատմամբ տարածքային հավակնություններից՝ Սահմանադրության մեջ փոփոխություններ կատարելու միջոցով», - նշել է նա։

Մամեդովը նաև այլ մեղադրանքներ է հնչեցրել հայկական կողմի հասցեին՝ հիշատակելով այսպես կոչված «արևմտյան Ադրբեջանի» համայնքի կոչերը, «4000 անհետ կորածներին», Լեռնային Ղարաբաղի տարածքում տեղադրված ականները։

Միրզոյանը Կարմիր խաչի միջազգային կոմիտեի նախագահ Միրյանա Սպոլյարիչ Էգերի հետ հանդիպմանը և իր ելույթում ԳՎ նիստում բարձրացրել է Ադրբեջանում ապօրինաբար պահվող հայ ռազմագերիների և պատանդի կարգավիճակում հայտնված քաղաքացիական անձանց ազատ արձակման հարցը՝ ընդգծելով ընթացող կեղծ դատավարությունների փաստը։ Նա մտահոգություն է հայտնել նրանց առողջական վիճակի և հնարավոր ճնշումների վերաբերյալ։

Ավելի վաղ վարչապետ Նիկոլ Փաշինյանը հայտարարել է, որ Բաքվի բանտում պահվող Արցախի նախկին ռազմաքաղաքական ղեկավարներին հոգեմետ նյութեր են տալիս: Նա հավելել է, որ այդ մասին կան հետախուզական տվյալներ և որ նպատակը էսկալացիա հրահրելն է։ Բաքուն ժխտում է այդ մեղադրանքները։