Պետական եկամուտների կոմիտեի նախագահի տեղակալ Ռաֆայել Գևորգյանը հայտնել է, որ Հայաստան ԱՄՆ մաքսային և սահմանապահ թիմի նախատեսվող այցը տեղի չի ունեցել, հայտնում է Արմենպրեսը։

«Տեղեկացնում ենք, որ ԱՄՆ մաքսային և սահմանապահ թիմի՝ Հայաստան նախատեսվող այցը տեղի չի ունեցել»,- նշել է նա։

ՊԵԿ-ը չի տրամադրել լրացուցիչ մանրամասներ՝ այցի չիրականանալու պատճառների վերաբերյալ։

2025 թվականի հունվարի 14-ին Վաշինգտոնում ստորագրվել էր Հայաստանի և ԱՄՆ-ի միջև ռազմավարական գործընկերության կանոնադրությունը, որի շրջանակում ԱՄՆ պետքարտուղար Էնթոնի Բլինքենը հայտարարել էր, որ առաջիկա շաբաթներին ամերիկյան մաքսային և սահմանապահ թիմը կայցելի Հայաստան՝ աջակցելու սահմանային անվտանգության կարողությունների զարգացմանը։