ՀՀ մարզերում մարտի 15-17-ին և 18-ի գիշերը տեղումներ չեն լինի, սակայն մարտի 18-ի ուշ երեկոյան և 19-ին առանձին շրջաններում հնարավոր են տեղումներ։

Քամին կլինի հարավարևելյան՝ 2-5 մ/վ, սակայն մարտի 17-ին և 19-ին որոշ հատվածներում այն կուժգնանա՝ հասնելով 15-19 մ/վ, իսկ մարտի 18-ին հնարավոր են ավելի ուժեղ պոռթկումներ՝ 18-23 մ/վ արագությամբ, հայտնում է «Հիդրոօդերևութաբանության և մոնիթորինգի կենտրոնը»։

Օդի ջերմաստիճանը մարտի 14-ի ցերեկը, 15-17-ին աստիճանաբար կբարձրանա 4-5 աստիճանով։

Երևանում մարտի 15-17-ին, 18-ի գիշերը սպասվում է առանց տեղումների եղանակ, սակայն մարտի 18-ի ուշ երեկոյան և 19-ին կանխատեսվում է անձրև։