ՀՀ ԱԳ փոխնախարար Պարույր Հովհաննիսյանը, անդրադառնալով այն հարցին, թե ինչպես են արձագանքում Ռուսաստանի առաջարկին՝ խաղաղության պայմանագրի ստորագրման ու շփումների համար հարթակ տրամադրելու վերաբերյալ, ասել է, որ ՌԴ ներգրավվածության հարցը միշտ էլ առկա է եղել, հայտնում է Aysor.am-ը։

Նա նշել է, որ Խաղաղությանն աջակցող առաջարկները մշտապես քննարկվում են, այդ թվում՝ ՌԴ–ինը։

«ՌԴ-ն ներգրավված էր նաև նախկինում, վերջերս ունեցել ենք խորհրդակցություններ ՌԴ-ի հետ։ Մենք բոլոր գործընկերներին, որոնք կարող են նպաստել այս գործընթացին, իհարկե, արձագաքնում ենք ու, իհարկե, քննարկում ենք»,-ասել է Հովհաննիսյանը։

Ավելի վաղ ՌԴ արտաքին գործերի նախարարության պաշտոնական ներկայացուցիչ Մարիա Զախարովան հայտարարել էր, որ Ռուսաստանը դրական է գնահատում Հայաստանի և Ադրբեջանի միջև խաղաղության պայմանագրի նախագծի շուրջ բանակցությունների ավարտը և պատրաստ է հարթակ տրամադրել խաղաղության պայմանագրի ստորագրման համար։