Երևանի քաղաքապետարանի աշխատակազմի Կենտրոն վարչական շրջանի երեք պաշտոնյա՝ որպես խումբ կամ առանձին, մի շարք քաղաքացիների հանդեպ դիտավորյալ անգործություն ցուցաբերելով, նրանցից ստացել են ընդհանուր առմամբ մոտ 1 միլիոն ՀՀ դրամ կաշառք՝ ծառայողական լիազորությունները կիրառելով պետության շահերին հակառակ, հայտնում է ՀՀ հակակոռուպցիոն կոմիտեն ավալուն ապացուցողական և վարութային միջոցառումների արդյունքում։

Մասնավորապես, նախաքննությամբ հաստատվել է, որ նշված պաշտոնյաները մի քանի տասնյակ քաղաքացիների թույլ տված շինարարական խախտումները դիտավորությամբ չեն արձանագրել՝ նրանց հնարավորություն տալով խուսափել վարչական պատասխանատվությունից։ Փոխարենը վերջիններս տարբեր չափերով գումարներ են վճարել նրանց՝ որպես կաշառք։ Արդյունքում՝ նշված իրավախախտումների վերաբերյալ վարչական վարույթներ չեն նախաձեռնվել, ինչը Երևանի համայնքին բերել է ընդհանուր 5,250,000 ՀՀ դրամի վնաս։

Նախաքննության արդյունքում Կենտրոն վարչական շրջանի այդ պաշտոնյաներին ներկայացվել են մեղադրանքներ՝ բազմադրվագ կաշառք ստանալու, պաշտոնեական դիրքի չարաշահման և այդ գործողություններին օժանդակելու համար։ Ըստ Հակակոռուպցիոն կոմիտեի՝ այդ պաշտոնյաներից մեկը կալանավորվել է, մինչդեռ մյուս երկուսի նկատմամբ կիրառվել են տնային կալանք և գրավ։

Բացի այդ, նույն գործի շրջանակում կաշառք տված և կաշառքի միջնորդություն իրականացրած ինը քաղաքացու դեմ ևս հարուցվել է քրեական հետապնդում։ Հիմք ընդունելով հավաքված ապացույցները՝ քրեական գործի նյութերն ուղարկվել են վերահսկող դատախազին՝ մեղադրական եզրակացությամբ հաստատման և դատարան ներկայացնելու միջնորդությամբ։