Գեղասահորդների Կարինա Ակոպովա– Նիկիտա Ռախմանին զույգը, որը փոխել է սպորտային քաղաքացիությունը, ՀՀ դրոշի ներքո առաջին անգամ հանդես կգա օգոստոսին։ Այդ մասին հայտնել է Հայաստանի գեղասահքի ֆեդերացիայի նախագահ Մելանյա Ստեփանյանը, գրում է Metaratings.ru-ն։

«Նրանց առաջին ելույթը կլինի օգոստոսի վերջին ԱՄՆ-ում՝ ISU Challenger Series-ում, իսկ այնտեղից կմեկնեն Պեկին՝ օլիմպիական որակավորման մրցաշարի։ Բոլոր չափանիշներով, նրանք կկարողանան մասնակցել օլիմպիական խաղերին քաղաքացիությունը փոխելուց հետո, եթե անցնեն ընտրական փուլը: Կարևորն այն է, որ նրանք միավորներ ձեռք բերեն Միլանում հանդես գալու համար»,- ասել է Ստեփանյանը։

Մայիսի 15-ին հայտնի դարձավ, որ Կարինա Ակոպովա - Նիկիտա Ռախմանին գեղասահքի զույգը հանդես կգա Հայաստանի դրոշի ներքո։

Նրանց տեղափոխությունը պաշտոնապես հաստատել է Ռուսաստանի գեղասահքի ֆեդերացիայի գործկոմը։ Նրանք Budapest Trophy 2021 և Denis Ten Memorial Challenge 2021 հաղթողներ են։