23 համարի երթուղին սպասարկող ավտոբուսի վթարի հետևանքով տուժած քաղաքացիներն անհրաժեշտ հետազոտություններն անցնելուց հետո ստացել են առաջին բժշկական օգնությունը և դուրս գրվել, հայտնում է առողջապահության նախարարությունը։

Բուժօգնությունը շարունակում է ստանալ անչափահաս տուժածը, նրա առողջական վիճակը գնահատվում է միջին ծանրության:

Վթարի հետևանքով հիվանդանոց էր տեղափոխվել 8 անձ։

Մայիսի 16–ին Երևանի Սեբաստիա փողոցում, «Եռաբլուր» պանթեոնի մերձակայքում, 23 համարի երթուղին սպասարկող ավտոբուսը բախվել է սյանը և բենզալցակայանին։Դեպքի առթիվ քրեական վարույթ է հարուցվել։