Հավաքական անվտանգության պայմանագրի կազմակերպությունը՝ ՀԱՊԿ–ը հուսով է, որ Երևանն ու Բաքուն առաջիկայում կստորագրեն խաղաղության պայմանագիը։ Այդ մասին հայտարարել է կազմակերպության գլխավոր քարտուղար Իմանգալի Տասմագամբետովը։

«Կան որոշակի դրական տեղաշարժեր Կովկասում։ Դա Հայաստանի Հանրապետության և Ադրբեջանի Հանրապետության հայտարարությունն է բանակցությունների ավարտի և երկու երկրների միջև միջպետական փաստաթղթի տեքստի համաձայնեցման մասին։ Մենք հուսով ենք, որ փաստաթուղթը շուտով կստորագրվի և ակնկալում ենք, որ դրա իրականացումը հուսալի ուղի կբացի խաղաղության և կայունության համար Հարավային Կովկասում»,–նշել է նա,գրում է ՏԱՍՍ–ը։

ՀԱՊԿ ԽՎ խորհրդի նիստն անցկացվում է Բիշքեկում՝ Ղրղզստանի մայրաքաղաքում, որն այդ կազմակերպությունում նախագահող երկիրն է 2025 թվականին։ Նիստը վարում է ՌԴ Պետդումայի նախագահ Վյաչեսլավ Վոլոդինը, ով միաժամանակ հանդիսանում է ՀԱՊԿ ԽՎ նախագահ։