Հասարակական գործիչ Արթուր Չախոյանը հայտարարել է, որ իր վերջին հրապարակումից հետո Երևանի քաղաքապետարանի կայքում շինթույլտվությունների բաժինն անջատել են։ Նա այդ մասին գրել է ֆեյսբուքյան իր էջում։
«Եթե Տիգրան Ավինյանը կաշառք չի վերցնում շինթույլտվության համար, ապա ինչպես է ստացվել, որ «Ռենկո Արմէստեյթ» ՍՊԸ-ն, առանց շինթույլտվություն ստանալու, արդեն կռունկ է տեղադրել և զբաղվում է բնակարանների վաճառքով։
Ակնհայտ է, որ Տիգրան Ավինյանի բարձր հովանավորչության ներքո «դաբրո» է տրված, հակառակ դեպքում որտե՞ղից «Ռենկո Արմէստեյթ» ՍՊԸ-ին այդքան վստահություն, որ կստանան այդ շինթույլտվությունը։
Ասեմ ավելին, երեկ իմ ԹԵԺ ԳԻԾի հրապարակումից հետո Երևանի քաղաքապետարանն իր կայքում շինթույլտվությունների բաժինն անջատել է՝ իբրև թե էջը վերակառուցման փուլում է»,-նշել է նա։
