Մայիսի 29-ին, Արագածոտնի մարզում տեղի է ունեցել խոշոր ու ողբերգական ավտովթար, որին հաջորդել է հրդեհ: Ապարան-Քուչակ Քուչակ ճանապարհին, գյուղի վարչական տարածքում, ժամը 08:00-ի մոտակայքում, միմյանց են բախվել «Opel Zafira» և «Volkswagen» մակնիշի մեքենաները, հայտնում է Shamshyan.com-ը։

Նշվում է, որ վթարի արդյունքում տեղում մահացել է մեկ անձ, իսկ 12 հոգի, մարմնական տարբեր աստիճանի վնասվածքներով, տեղափոխվել են «Ապարան» բժշկական կենտրոն:

Դեպքի առթիվ քննչական բաժնում հարուցվել է քրեական վարույթ, որի շրջանակում պարզվում է վարորդների, մահացածի և վիրավորների ինքնությունը:

ՀՀ առողջապահության նախարար Անահիտ Ավանեսյանը ֆեյսբուքյան իր էջում հայտնել է, որ վթարի հետևանքով տուժած 11 անձ բուժում է ստանում Ապարանի բժշկական կենտրոնում՝ տարբեր աստիճանի ոսկրային կոտրվածքներով։

«27 տարեկան տուժածի առողջական վիճակը ծայրահեղ ծանր է, կազմակերպում ենք սանավիացիայով նրա տեղափոխումը Երևան։

Վանաձոր` տուժել է 5 անձ, որից 4 տուժած տեղափոխվել է Վանաձոր ԲԿ, 2-ը թեթև վնասվածքներով են, չեն հոսպիատալացվել, 2-ի առողջական վիճակը ծայարահեղ ծանր է, գտնվում են վերակենդանացման բաժանմունքում:

Հորդորում ու խնդրում ենք պահպանել ճանապարհային երթևեկության անվտանգության կանոնները, պահպանել արագությունը, կապել ամրագոտիները` խուսափելու նման ողբերգական դեպքերից»,-գրել է Ավանեսյանը։