«Երևանի գինու օրեր» փառատոնն անցկացնելու նպատակով հունիսի 6-ին, 7-ին և 8-ին՝ ժ.16.00-22.30-ն բոլոր տեսակի մեքենաների երթևեկության համար մի շարք փողոցներ փակ կլինեն, հայտնում է քաղաքապետարանը։

Փակ են լինելու․

• Սարյան-Եկմալյան փողոցների խաչմերուկից մինչև Սարյան-Պուշկինի փողոցների խաչմերուկ,
• Պուշկինի-Սարյան խաչմերուկից մինչև Սարյան-Մոսկովյան խաչմերուկ,
• Մոսկովյան-Թումանյան խաչմերուկից մինչև Սպենդիարյան-Մոսկովյան խաչմերուկ,
• Սպենդիարյան-Մոսկովյան խաչմերուկից մինչև Մոսկովյան-Զորյան խաչմերուկ,
• Սարյան-Թումանյան խաչմերուկից մինչև Թումանյան-Փարպեցի խաչմերուկ ընկած տարածքները։

«Երևանի գինու օրեր» գինեգործությանը նվիրված ամենամյա միջազգային փառատոնն առաջին անգամ անցկացվել է 2017 թվականին։ Միջոցառումն անցկացվում է ամեն տարի՝ հունիսի առաջին ուրբաթ, շաբաթ և կիրակի օրերին՝ Երևանի կենտրոնում՝ Սարյան, Թումանյան և Մոսկովյան փողոցներում։