Հունիսի 11-ին ՀՀ Ազգային ժողովի նախագահի տեղակալ, ինչպես նաև ԵԽԽՎ-ում հայկական պատվիրակության ղեկավար Ռուբեն Ռուբինյանը պատվիրակության մյուս անդամների հետ հանդիպում է ունեցել Եվրոպայի խորհրդի գլխավոր քարտուղար Ալեն Բերսեի հետ։
Բարձրացվել է Ադրբեջանում պահվող ռազմագերիների, ապօրինի կալանքի ենթարկված անձանց և անհետ կորածների խնդիրը, իսկ այդ համատեքստում հատուկ ընդգծվել է Եվրոպայի խորհրդի աջակցության անհրաժեշտությունը։
Հանդիպման ընթացքում քննարկվել են տարածաշրջանում տեղի ունեցող զարգացումները, մասնավորապես Հայաստանի և Ադրբեջանի միջև խաղաղության պայմանագրի շուրջ ընթացող գործընթացը։
ՀՀ Ազգային ժողովի նախագահ Ալեն Սիմոնյանը հանդիպում է ունեցել Եվրոպայի խորհրդի գլխավոր քարտուղար Ալեն Բերսեի հետ` շնորհակալություն հայտնելով նրան Հայաստան այցելելու համար։ Սիմոնյանը ներկայացրել է նաև Ադրբեջանում պահվող գերիների, անօրինական կերպով պահվող անձանց և անհետ կորածների հետ կապված խնդիրը՝ ընդգծելով դրանց կարևորությունը։
