ՍԱՏՄ-ն կասեցրել է Հրազդանում գործող լորի ձվի արտադրամասի աշխատանքը
ՀՀ սննդամթերքի անվտանգության տեսչական մարմինը տեղեկացրել է, որ Կոտայքի մարզային կենտրոնի տեսուչներն իրականացրել են ստուգում Հրազդան քաղաքում՝ անհատ ձեռնարկատեր Ռաֆիկ Մնացականյանին պատկանող լորի ձվի արտադրամասում։
Ստուգման արդյունքում արձանագրվել են մի շարք խախտումներ, այդ թվում՝
- արտադրամասում բացակայել են սանհանգույց և ձեռքերի լվացման համար անհրաժեշտ լվացարաններ,
- շինության հատակները, պատերն ու առաստաղները պատրաստված չեն եղել ջրակայուն, լվացվող և ախտահանման ենթակա նյութերից,
- կոյուղու համակարգը նախագծված և իրականացված չի եղել սննդամթերքի աղտոտման վտանգը բացառող ձևով,
- տարածքը չի ապահովել աշխատակիցների համար նախատեսված հանդերձարանով։
Վերոնշյալ խախտումների հիման վրա ՍԱՏՄ-ն որոշում է կայացրել ժամանակավորապես դադարեցնել լորի ձվի արտադրամասի գործունեությունը՝ մինչև բոլոր թերությունները լիովին վերացվեն։
