ՀՀ վարչապետ Նիկոլ Փաշինյանն ԱԺ–ում լրագրողների հետ ճեպազրույցում ասել է, որ Անվտանգության խորհրդի նիստերն այն պատճառով չեն, թե Սյունիքի հետ կապված վտանգ կա։

Նա պատասխանեԼ է լրագրողի այն դիտարկմանը, որ վերջին շրջանում անվտանգության խորհրդի նիստեր շատ են հրավիրվում, արդյոք դա պայմանավորված է նրանով, որ Սյունիքում վտանգ կա, հայտնում է Sputnik Արմենիան։

Վարչապետը նշել է, ո ԱԽ նիստեր հրավիրվում են պարբերաբար, որոնց մասին միգուցե հաղորդագրություններ չեն հրապարակվում։

«Այդ նիստերը նրա համար չեն, որ Սյունիքի հետ կապված վտանգ կա. այդ հայտարարությունները ես համարում եմ սադրիչ ու պրովոկացիոն, չհիմնավորված և ՀՀ քաղաքացիների շրջանում անհանգստություն, խուճապ և անորոշություններ գեներացնելու համար»,– հայտարարել է Փաշինյանը։

Նրա խոսքով` ՀՀ–ն և Ադրբեջանը համաձայնեցրել են խաղաղության ու միջպետական հարաբերությունների հաստատման մասին համաձայնագրի դրույթները։

Հունիսի լույս 13–ի գիշերը Իսրայելը սկսել է Իրանի դեմ ռազմական գործողություն՝ մեղադրելով վերջինիս գաղտնի ռազմական միջուկային ծրագրի իրականացման մեջ, որը, ըստ Թել Ավիվի, մոտեցել է «անդառնալիության կետին»։ Հարվածների թիրախ են դարձել միջուկային օբյեկտները, բարձրաստիճան գեներալները, հայտնի միջուկային ֆիզիկոսները, ավիաբազաները, հակաօդային պաշտպանության համակարգերն ու «երկիր-երկիր» հրթիռները։ Իրանն, իր հերթին, հերքել է իր միջուկային ծրագրում ռազմական բաղադրիչների առկայությունը և պատասխանում է հրթիռային հարվածներով ու հարվածային անօդաչուների կիրառմամբ։ Թեհրանում նշում են, որ հարվածները հասցվում են Իսրայելի ռազմական ու ռազմարդյունաբերական օբյեկտներին։

Իսրայելը և Իրանը շարունակաբար փոխադարձ հարվածներ են հասցնում՝ օրական մի քանի անգամ։ Թել Ավիվը խոստանում է շարունակել արշավը մինչև Իրանի միջուկային ծրագրի ամբողջական ոչնչացումը, մինչդեռ Թեհրանը սպառնում է շարունակել հրթիռակոծությունները, քանի դեռ Իսրայելը չի դադարեցրել ռմբահարումները։։